لاہور: وزیراعلیٰ پنجاب مریم نواز نے جہلم میں جمنیزیم /سپورٹس کمپلیکس بحالی پراجیکٹ کا بھی افتتاح کردیا۔ وزیراعلیٰ مریم نواز کا جمینزیم آمد پر کھلاڑیوں نے شور مچا کر بلند آہنگ منفرد استقبال کیا۔اس موقع پر وزیراعلیٰ مریم نواز نے پوسٹر لیکر کھڑی کمسن بچیوں پیار کیا اور ہائی فائی کیا۔جمنیزیم میں ننھی بچیوں نے ”تیریاں ریساں کون کرے“وزیراعلیٰ کیلئے لوک گیت گاکر خراج تحسین پیش کیا۔
وزیراعلیٰ مریم نواز نے خاتون پلیئر کے ساتھ بیڈمنٹن بھی کھیلی اور جمنیزیم میں تالیاں بجا کر شطرنج کے پلیئر کو شاباش دی۔ وزیراعلیٰ نے بچیوں کو آٹو گراف دیئے، تصاویر بنوائی اور اظہار شفقت کیا۔وزیراعلیٰ کو کمسن پلیئر نے کڑھائی والادوپٹہ پیش کیا اور تاج پہنایا، سپیشل پلیئر کو اشاروں کی زبان میں سلام کیااور خیریت پوچھی۔
درازیں وزیراعلیٰ مریم نواز شاندار چوک میں اولڈ رام دین بازار پہنچ گئیں۔ وزیراعلیٰ کی آمد پر جہلم کا ماڈل بازار کارکنوں اور نوجوانوں سے بھر گیا۔ شاندار چوک مین بازار کو ٹریفک کے لیے بند کر کے واک وے قرار دیا گیا۔ جہلم مین بازار میں فٹ پاتھ، اطراف میں کوبل سٹون اور روڈ فرنیچر بھی مہیا کیاگیا ہے۔ جہلم مین بازار میں انڈر گراؤنڈ وائرنگ،260دکانو ں پر خوبصورت شیڈ، وکٹورین لائٹ، پلانٹر او ربینچ رکھے گئے ہیں۔ جہلم کے سپورٹس کمپلیکس او ر جمنیزیم کی بحالی کا پراجیکٹ11کروڑ 95لاکھ روپے کی لاگت سے مکمل ہوگا۔
