کوئٹہ (21 جولائی 2026): کوئٹہ کی طالبہ ملائکہ خان خلجی نے کھوسر گنگ چوٹی سر کر کے تاریخ رقم کر دی۔
بلوچستان کی طالبہ ملائکہ خان خلجی نے کھوسر گنگ چوٹی سر کر کے صوبے کی پہلی خاتون کوہ پیما ہونے کا اعزاز حاصل کر لیا۔
ملائکہ خان خلجی نے قومی ویمن ایکسپڈیشن 2026 میں شرکت کرتے ہوئے یہ شان دار کامیابی حاصل کی۔ وہ اس مہم میں شریک پاکستانی خواتین کوہ پیماؤں میں کم عمر ترین کوہ پیما بھی رہیں۔
بلوچستان کی بیٹی ملائکہ خان خلجی نے کھوسر گنگ چوٹی پر قومی پرچم لہرا کر صوبے کا نام روشن کیا۔ وہ بلوچستان انسٹی ٹیوٹ فار ٹورازم، ہاسپیٹلٹی اینڈ کلچر مینجمنٹ کی طالبہ ہیں۔
ملائکہ خان خلجی کی یہ کامیابی پاکستان میں خواتین کی کوہ پیمائی کے فروغ کی ایک روشن مثال قرار دی جا رہی ہے، جب کہ اسے بلوچستان کی بیٹیوں کے لیے نئی امید اور ایک اہم سنگِ میل بھی قرار دیا گیا ہے۔
