میڈرڈ (21 جولائی 2026): دفاعی چیمپئن ارجنٹینا کو شکست دے کر فیفا ورلڈ کپ 2026 جیتنے والی ہسپانوی ٹیم وطن واپس پہنچ گئی۔
فیفا ورلڈ کپ 2026 کے فائنل میچ میں دفاعی چیمپئن ارجنٹینا کو ہرا کر فٹبال کی حکمرانی کا تاج اپنے سر پر سجانے والی ہسپانوی ٹیم اپنے وطن واپس پہنچ گئی، جہاں کھلاڑیوں اور آفیشلز کا شاندار استقبال کیا گیا۔
16 سال بعد دوسری مرتبہ عالمی چیمپئن بننے والی اسپینش ٹیم کا خصوصی طیارہ اسپین کے دارالحکومت میڈرڈ پہنچا۔ طیارے سے سب سے پہلے ٹیم کے کپتان روڈری ہاتھوں میں ورلڈ کپ ٹرافی اٹھائے باہر آئے۔
اس کے بعد ٹیم ارکان، ہیڈ کوچ لوئس ڈی لا فوئنٹے اور اسپینش فٹبال فیڈریشن کے صدر رافیل لوزان جہاز سے باہر آئے اور سب کے چہرے خوشی سے چمک رہے تھے۔
عالمی چیمپئنز کے استقبال کے لیے ہسپانوی عوام کی بڑی تعداد ایئرپورٹ پر موجود تھی جنہوں نے کھلاڑیوں کا پرتپاک خیرمقدم کیا اور ان کے حق میں نعرے لگائے۔
واضح رہے کہ گزشتہ روز نیویارک، نیو جرسی اسٹیڈیم میں کھیلے گئے فیفا ورلڈ کپ 2026 کے فائنل میں اسپین نے اضافی وقت میں دفاعی چیمپئن ارجنٹینا کو 1-0 سے شکست دے کر 2010 کے بعد دوسری مرتبہ عالمی چیمپئن بننے کا اعزاز حاصل کیا۔
