کراچی: طیاروں اور بحری جہازوں کی درآمد پر سیلز ٹیکس استثنیٰ میں توسیع کر دی گئی۔
رجسٹرڈ ایئرلائنز کیلئے طیاروں اور پرزہ جات درآمد پر سیلزٹیکس استثنیٰ میں توسیع کی گئی ہے اور طیاروں کی درآمد یا لیز پر سیلز ٹیکس استثنیٰ بحال کر دیا گیا ہے۔
بحری جہازوں کی درآمد پر سیلز ٹیکس استثنیٰ بھی بحال کیا گیا ہے جب کہ جہاز سازی کے لیے پلانٹ، مشینری اور کیپٹل اثاثوں کی درآمد پر استثنیٰ دیا گیا ہے۔
اس حوالے سے ایف بی آر نے سیلز ٹیکس استثنیٰ سےمتعلق فیلڈ فارمیشنز کو ہدایات جاری کر دی ہیں۔ پاکستانی پرچم والے بحری جہاز بھی 2021 تک سیلز ٹیکس سے مستثنیٰ تھے۔
کلب، بزنس اور فرسٹ کلاس ایئر ٹکٹس پر ایف ای ڈی کی شرح معقول کردی گئی۔ شمالی امریکا کے لیے ایئر ٹکٹ پر فی ٹکٹ 50ہزار روپے ایکسائز ڈیوٹی مقرر کی گئی ہے جب کہ مشرق وسطیٰ کے لیے ایئر ٹکٹ پر فی ٹکٹ 25 ہزار روپے ایکسائز ڈیوٹی عائد کی گئی ہے۔
یورپ کے لیے ایئر ٹکٹ پر فی ٹکٹ 40 ہزار روپے ایکسائز ڈیوٹی اور کراچی:مشرق بعید اور آسٹریلیا کے لیے فی ٹکٹ 40 ہزار روپے ایکسائز ڈیوٹی مقرر کی گئی ہے۔
