اسلام آباد (28 اگست 2026): بجلی کے نئے کنکشنز کی فراہمی کا عمل آسان بنانے کیلے واضح ٹائم فریم مقرر کرنے کا فیصلہ کر لیا گیا۔
سابق وزیر اعلیٰ پنجاب حمزہ شہباز کی زیرِ صدارت وزیر اعظم کے چیمبر میں واپڈا کے امور پر اجلاس ہوا جس میں وفاقی وزیر توانائی سردار اویس لغاری اور واپڈا کے اعلیٰ حکام نے شرکت کی۔
اجلاس میں حمزہ شہباز نے واپڈا انتظامیہ کو شہریوں کی سہولت کیلیے تمام اقدامات کی ہدایت اور نئے بجلی کنکشنز کی فراہمی کا عمل آسان بنانے کیلیے واضح ٹائم فریم مقرر کرنے کا فیصلہ کیا۔
انہوں نے ٹرانسفارمر اور بجلی کی دیگر تنصیبات سے متعلق عوامی شکایات کا فوری ازالہ یقینی بنانے پر زور دیا اور تجویز دی کہ عوام کی داد رسی کیلیے قومی اسمبلی کے تمام حلقوں میں واپڈا کے فوکل پرسنز مقرر کیے جائیں۔
