مظفر آباد (03 اگست 2026): آزاد کشمیر الیکشن کے دوسرے مرحلے کی پولنگ کے بعد ہونے والی ووٹوں کی گنتی میں غیر سرکاری نتائج کے مطابق پی پی کے مقابلے میں ن لیگی امیدوار آگے ہیں۔
آزاد جموں و کشمیر قانون ساز اسمبلی انتخابات کے دوسرے مرحلے میں مظفر آباد ڈویژن کے 8 حلقوں اور مہاجرین کی 12 نشستوں پر ووٹنگ ہوئی، جس کے بعد اب دیے جانے والے ووٹوں کی گنتی جاری ہے۔
ایل اے 26 نیلم کے تمام 135 پولنگ اسٹیشنز کے غیر حتمی غیر سرکاری نتائج کے مطابق پاکستان پیپلز پارٹی کے عبدالوحید نے 17466 ووٹ لے کر کامیابی حاصل کی، جب کہ مسلم لیگ ن کے شاہ غلام قادر 15494 ووٹ لے کر دوسرے نمبر پر رہے۔
