پنجاب کابینہ نے لاہور میں بسنت کی تاریخ تبدیل کرنے کی سمری منظور کر لی، جس کے بعد اب بسنت 12، 13 اور 14 مارچ 2027 کو منائی جائے گی۔
ذرائع کے مطابق بسنت کی تاریخوں میں تبدیلی کے لیے ڈپٹی کمشنر لاہور نے سمری محکمہ داخلہ پنجاب کو بھجوائی تھی، جسے محکمہ داخلہ نے منظوری کے لیے صوبائی کابینہ کو ارسال کیا۔
ذرائع کا کہنا ہے کہ پنجاب کابینہ نے بسنت کے نئے شیڈول کی منظوری دے دی ہے۔ اس سے قبل پنجاب حکومت نے 29 جنوری سے 7 فروری 2027 تک 10 روزہ بسنت منانے کا اعلان کیا تھا۔
نئے فیصلے کے تحت لاہور میں بسنت کی تقریبات اب 12، 13 اور 14 مارچ 2027 کو منعقد ہوں گی۔
