پنجاب 19 سال بعد ایک مرتبہ پھر اقوام متحدہ کے ہیبی ٹیٹ سکرول آنر ایوارڈ میں سرِفہرست آگیا۔
وزیراعلیٰ پنجاب مریم نواز آج عالمی یومِ رہائش کے موقع پر عمان کنونشن اینڈ ایگزیبیشن سنٹر میں یو این ہیبی ٹیٹ سکرول آنر ایوارڈ وصول کریں گی۔
پنجاب کا کم لاگت ہاؤسنگ منصوبہ ’’اپنی چھت، اپنا گھر‘‘ یو این ہیبی ٹیٹ سکرول آنر ایوارڈ کے لیے سرفہرست قرار پایا ہے۔ مریم نواز کے مطابق ’’اپنی چھت، اپنا گھر‘‘ پاکستان کی پہچان بننے والا عالمی معیار کا کم لاگت ہاؤسنگ پراجیکٹ ہے۔
وزیراعلیٰ پنجاب کا کہنا ہے کہ ’’اپنی چھت، اپنا گھر‘‘ پروگرام کے تحت پانچ سال میں پانچ لاکھ گھر بنانے کا ہدف پورا کیا جائے گا۔
مریم نواز نے عالمی یومِ رہائش کے موقع پر ہر مستحق خاندان کو اپنی چھت فراہم کرنے کے عزم کا اعادہ بھی کیا۔
