لاہور (16 ستمبر 2026): وزیراعلیٰ پنجاب گرین ٹریکٹرز پروگرام (50 تا 65) ہارس پاور کی قرعہ اندازی سے متعلق بڑی خبر سامنے آ گئی ہے۔
نیوز کے مطابق وزیراعلیٰ پنجاب گرین ٹریکٹرز پروگرام (50 تا 65) ہارس پاور کی آج 16 ستمبر کو قرعہ اندازی ہونی تھی، جو نا گزیر وجوہات کی بنا پر ملتوی کر دی گئی ہے۔
محکمہ زراعت پنجاب کی جانب سے جاری اعلامیے میں کہا گیا ہے کہ گرین ٹریکٹرز پروگرام کی اگلی قرعہ اندازی کی نئی تاریخ کا اعلان جلد کیا جائے گا۔
اعلامیے میں مذکورہ قرعہ اندازی میں شامل افراد سے کہا گیا ہے کہ وہ آئندہ قرعہ اندازی کی تاریخ سے آگاہ رہنے کے لیے محکمہ زراعت پنجاب کے آفیشل سوشل میڈیا پلیٹ فارمز سے منسلک رہیں۔
