بیلجیئم (31 اگست 2026): ہاکی ورلڈ کپ کے فائنل میں اسپین کو سخت مقابلے کے بعد ایک صفر سے ہرا کر چوتھی بار میگا ایونٹ جیت لیا۔
بیلجیم کے شہر واورے میں واقع بیلفیئس ہاکی ایرینا میں کھیلے گئے فائنل میں دفاعی چیمپئن جرمنی نے سنسنی خیز مقابلے کے بعد اسپین کو ایک صفر سے ہرا کر اپنے اعزاز کا کامیابی سے دفاع کرنے کے ساتھ چوتھی بار عالمی چیمپئن بن گیا۔
4-TIME WORLD CHAMPIONS!!!!
Die Honamas defend their World Cup and join Pakistan as the most successful side in the history of the Men’s FIH Hockey World Cups, with 4 titles to their name!!#HWC2026 #HockeyWorldCup2026 #WorldCup #WorldChampions #Germany pic.twitter.com/ofk5ZNOrl4
— International Hockey Federation (@FIH_Hockey) August 30, 2026
اسپین نے طویل وقفوں تک گیند پر زیادہ کنٹرول رکھا اور جرمنی کے مقابلے میں زیادہ مواقع بھی پیدا کیے، تاہم جرمن دفاع نے حریف کے تمام حملوں کو بے اثر کردیا۔
میچ کے پہلے 2 کوارٹرز میں دونوں ٹیمیں گول کرنے میں ناکام رہیں، تاہم اسپین کی جانب سے حملوں کا دباؤ مسلسل برقرار رہا۔
جرمنی نے دفاع کو مضبوط رکھتے ہوئے مناسب موقع کا انتظار کیا اور تیسرے کوارٹر کے آخری حصے میں اسے کامیابی مل گئی۔
مشیل اسٹروتھوف نے جرمنی کی جانب سے ملنے والے واحد نمایاں موقع کو گول میں تبدیل کر کے اپنی ٹیم کو 0-1 کی برتری دلادی، یہی گول میچ کا فیصلہ کن ثابت ہوا۔
Germany have done it again.
Back-to-back World Cup champions with their 4th title.
Spain fall short, but what a turnaround from 8th in the last World Cup and struggling in the Pro League to World Cup finalists.#HWC2026 | @DHB_hockey pic.twitter.com/tsIIpyeh3k
— ;-) (@timeout_7) August 30, 2026
جرمنی کی ٹیم نے چوتھی بار ہاکی ورلڈ کپ جیت کر پاکستان کا چار بار عالمی چیمپئن بننے کا ریکارڈ بھی برابر کر دیا۔
اس سے قبل تیسری پوزیشن کے لیے نیدرلینڈز اور ارجنٹینا کا مقابلہ ہوا، جو ارجنٹینا نے ایک کے مقابلے میں دو گول سے جیت کر کانسی کا تمغہ اپنے نام کیا۔
