ایف بی آر نے انکم ٹیکس گوشوارے جمع کروانے میں توسیع کا نوٹیفکیشن جعلی قرار دے دیا ہے۔
ترجمان ایف بی آر کا کہنا ہے کہ انکم ٹیکس گوشوارے جمع کرانے میں توسیع کا نوٹیفکیشن جعلی ہے، انکم ٹیکس گوشوارے جمع کرانے میں توسیع کا نوٹیفکیشن جعلی ہے۔
گوشوارے جمع کروانے کی تاریخ میں توسیع سے متعلق گردش خط جعلی ہے۔
ترجمان کا کہنا ہے کہ ایف بی آر کی جانب سے توسیع سے متعلق کوئی سرکلر جاری نہیں کیا گیا ہے۔
فیڈرل بورڈ آف ریونیو کے ذرائع کا کہنا ہے کہ ‘تاجروں کی آسان اسکیم’ کے تحت انکم ٹیکس گوشوارے جمع کرانے کی آخری تاریخ میں توسیع کا قوی امکان ہے، جس کے بعد تاجر برادری کےلیے بڑے ریلیف کی توقع کی جا رہی ہے۔
ذرائع کا کہنا ہے کہ وزیر اعظم شہباز شریف کو انکم ٹیکس گوشوارے جمع کرانے کی آخری تاریخ میں ممکنہ توسیع سے متعلق تفصیلات سے آگاہ کر دیا گیا ہے۔
وزیراعظم شہباز شریف آج رات 11 بجے اس حوالے سے حتمی فیصلے اور توسیع کا رسمی اعلان کریں گے۔
ایف بی آر ذرائع کا کہنا ہے کہ چونکہ تاجروں کی آسان ٹیکس اسکیم پہلی مرتبہ متعارف کرائی گئی ہے، اس لیے تاجروں کو سسٹم سے ہم آہنگ ہونے کا موقع دینے کے لیے تاریخ میں توسیع کا امکان روشن ہے۔
